Бұл кешен «Мәдениеттану» пәнін оқитын экономикалық мамандықтардың білімгерлеріне арналған. Оқу-методикалық кешен білімгерлерге мәдениеттану негіздерін оқытуға мүмкіндік береді. Оқыту курсында адамзат мәдениетінің даму тарихы және мәдениет теориясы көрсетілген. «Мәдениеттану» пәні мәдениет туралы, түсініктер мен түрлі ғылыми көзқарастар, тарихи дәуірлердің рухын жинақтап, бай-тәжірибе – тағлымды өз бойына сіңіре білген, өзінің сан-салалық қасиеттерімен ерекшеленетін ғылыми пән. Мәдениеттану мәдениет формалары мен типтерін, оның қызметтеренуі мен дамуының заңдылықтарын, отандық мәдениет тарихын, оның әлемдік мәдениет пен өркениеттер жүйесіндегі орынын зерттейді.